Një tjeter valë e pritshme e koronavirusit në stinën e vjeshtës mund të na fundosë perfundimisht.
Thirrja vjen nga ish-ministri Edmond Panariti duke folur për atë që pritet në vjeshtë dhe dimër, nga situata e koronavirusit. Përmes një postimi në rrjetet sociale, Panariti thekson se për nga kapacitetet spitalore jemi më shumë se tre herë më ulët se mesatarja Evropiane.
Pyetja e nxehtë që ngre ish-ministri është: Po me shtretër të reanimacionit, të cilët janë jetësore për trajtimin e rasteve të rënda me Covid 19 ku jemi? Këtu statistikat çalojnë por nëse duam të mos fundosemi nga vala e dytë e pritshme e covid 19 në vjeshtë duhet ta çojmë numrin e shtretërve reanimatorë në rreth 2000 para tetorit, pra më shumë se tre herë se tani. Nuk duhet të presim të mbarojnë pushimet për të vepruar, sepse do jetë tepër vonë, thekson ai.
