Lajme të mira për amvisat që kanë harruar për një kohë të gjatë tiganin në sobën e ndezur. Mund të largoni çdo shenjë të djegies, pa nevojën e sfungjerëve fërkues apo kimikateve. Ato që do t’ju duhen janë: uthull, soda e bukës, një pluhur pastrues dhe pak ujë.
Instruksionet:
-Mbushni tiganin me pak ujë.
-Shtoni uthull në të.
-E lini tiganin në sobën e ndezur më parë, deri sa uji të ziejë.
-Hiqeni tiganin nga flaka dhe shtoni sodën e bukës.
-Boshatiseni tiganin dhe fërkojeni si normalisht (nëse ka nevojë shtoni edhe pak sodë).
-Nëse ndonjë pjesë e djegur nuk hiqet me fërkim, bëni një masë/përzierje me sodë buke dhe ujë.
