Rama ben deklaraten e forte per te gjithe ata qe po largohen nga Shqiperia

0
1646

Kryeministri Edi Rama në fjalën e tij në Panairin e Punës dhe Aftësive në Durrës, kishte një mesazh për shqiptarët që duan të ikin jashtë vendit për të punuar, me idenë se do të paguhen më mirë.

Rama u shpreh: “Dua t’u them të gjithëve se është gjithmonë një mundësi për të bërë një zgjedhje midis punësimit këtu në vendin tonë e ikjes për të kërkuar punë gjetkë, por patjetër që gjërat nuk janë ashtu si duken, qoftë në njërën anë, qoftë në tjetrën. Vërtet në emigracion ka rroga më të larta por ka dhe shpenzime shumë më të larta”.

Ndërkohë Rama tha se qeveria e ka rritur “shumë vëmendjen e mbështetjen në aspektin e formimit profesional”.

“Sot kemi afro 20 mijë nxënës të regjistruar në shkollat profesionale si dhe 6600 numri i personave të papunë që kanë ndjekur kurset në qëedrat e formimit profesional e të cilët një pjesë e konsiderueshme janë aftësuar e kanë mundur të punësohen”, tha ai.

Kryeministri tha se tregu ka sot një nevojë të ethshme për krahë pune sidomos në strukturat hoteliere:

“E di që nuk është e lehtë, e di që në rrugën e punësimit dhe në funksion të plotësimit të ambicies së nevojës për të rritur pagën duhet punë e aftësim, por di që sot mjafton të bëjë kushdo qoftë një xhiro në gjithë infrastrukturën hoteliere të qytetit të Durrësit për të parë së pari se ka nevojë të ethshme për krahë pune, në të gjitha pozicionet, që nga kamarierët e nivelit më bazik tek menaxherët e për të parë se pagat janë në fakt një realitet krejt ndryshe nga ai që përflitet.

Rama kishte dhe tre porosi për të gjithë ata që janë duke kërkuar punë:

“Mos ta presin punën ta sjellë shteti në shtëpi, së dyti mos kërkojnë medoemos punë shteti por të shikojnë drejt sektorit privat e së treti, të kuptjnë që nuk vlen një diplomë juridiku nga ato të shumtat që janë shpërndarë pa kriter e karar deri kur u risistemua sistemi për të mundur që të gjesh një punë nese nuk fokusohesh si bën e gjithë bota, që aftësohen profesionalisht e të jenë në gjendje të kenë çfarë t’i ofrojnë tregut të punës që të marrin mbrapsht atë që meritojnë”.

LEAVE A REPLY

Please enter your comment!
Please enter your name here