Situata në dy stitalet Covid te vendit, Infektivi dhe “Shefqet Ndroqi”, vijon të jetë shqetësuese, teksa po rritet dita-ditës numri i të shtruarve me koronavirus.
Kreu i Urgjencës Kombëtare, Skëndwr Brataj, tregoi çfarë ka ndodhur në 24 orët e fundit, duke zbuluar se 16 prej rasteve që kanë telefonuar, janë transferuar në spital.
“Gjatë 24 orëve bëhen 40-45-50 vizita për Covid. Në 24 orët e fundit në dy spitalet ishin 16 raste të transferuara nga Urgjenca Kombëtare, 9 te Sanatoriumi dhe 7 te QSUT”, u shpreh Brataj.
Sipas tij, 54% e qytetarëve janë trajtuar në shtëpi, pjesa tjetër e 46% janë trajtuar në spital. Brataj theksoi se këto shifra do të vijojnë edhe në ditët në vijim.
Aktualisht në Urgjencën Kombëtare priten 540 thirrje në ditë vetëm për COVID19, ndërsa kryhen rreth 50 shërbime/ ditë në banesë. Që prej fillimi të epidemisë janë mbi 1 mijë qytetarë që janë dërguar për trajtim spitalor, ndërsa në total janë 2411 qytetarë të prekur nga SARS COV2 që kanë marrë trajtim nga urgjenca kombëtare në banesë dhe janë transferuar në spital dha janë mbi 100 mijë thirrje për COVID19 të pritura gjatë kësaj periudhe të epidemisë.
