Bëhet fjalë për një deformim të relievit me 3-4 metra, por ajo që e bënë të befasishme këtë ndodhi, është pikërisht gjatësia dhe thellësia e lëvizjes së tokës. Sipas mediave turke, mësohet se thellësia e lëvizjes së tokës është afërisht 8 deri në 10 kilometra, po aq nga ku raportohet lëvizja e pllakave sizmike.
Orhan Tatar, drejtori i Përgjithshëm i Rrezikut dhe Reduktimit të Tërmeteve të AFAD, u shpreh se tërmetet kanë shkaktuar dëme në një sipërfaqe 110 mijë kilometra katrorë, e cila përllogaritet gati 4 herë sa sipërfaqja e Shqipërisë.
Për Tatar, tërmetet e fundit në Turqi kanë qenë ndër më të fuqishmit që kanë rënë në tokë. Ai theksoi se pasgoditjet do të zgjasin për shumë kohë, duke qenë se dy lëkundjet e mëdha kanë qenë mbi 7 të shkallës rihter.
