Aktorja e njohur dhe shumë e dashur për publikun Zamira Kita ka qenë e ftuar së fundmi në podcastin e “Zë me Mirën”, ku ka bërë një rrëfim të rrallë për jetën e saj.
Ajo rrëfeu historinë me bashkëshortin e saj dhe vështirësitë që ata kanë hasur gjatë rrugëtimit të tyre. Kita tha se fakti që ajo ishte 4 vite më e madhe dhe ishte aktore ka ndikuar që ata të vendosnin të martoheshin pas 14 vitesh lidhje dashurie
Tejet emocionues ishte edhe momenti kur rrëfeu se në moshën 32-vjeçare ajo ka abortuar, ndërkohë që kur fatmirësisht mbeti shtatzënë në moshën 40-vjeçare, gabimin që bëri me fëmijën e parë s’do ta bënte për asnjë arsye. “Ishte kufiri i kohës sime biologjike dhe atë fëmijë e kisha dëshiruar shumë”, tha Zamira, teksa foli edhe për marrëdhënien që ajo ka me vajzën e saj e cila tashmë është në moshën 20-vjeçare.
Zamira rrëfeu se familja e bashkëshortit nuk e kanë dashur kurrë si nuse. E teksa nëna si përfundim mundi ta pranonte, babai i bashkëshortin vdiq duke mos i folur dhe mos i dhanë as dorën, ndërkohë që i që aktorja u përkujdes që atij mos t’i mungonte asgjë gjatë kohës që ai ishte sëmurë.
“Ata nuk më kanë dashur kurrë, madje e kanë patur tmerr që ai të martohej me mua. Nëna e tij vetëm kur ne u martuam, më priti me tha që po të do djali, edhe unë do të dua. Babai Benit nuk ma dha dorën kurrë ndërkohë që unë jam kujdesur shumë për të. Kur ai u sëmur dhe ishte në spital unë i çoja ushqimet ndërkohë që Beni kujdesej atje. U kërkova vetëm të më linin ta takoja njëherë, por më thanë jo sepse mund t’i shkaktoja dëm emocional. Por ai e dinte se ia çoja unë dhe infermieri i thoshte që këtë nuk ta bëj se më tha Zamira. Por ngaqë ishte shumë burrë krenar dhe tha që në fillim “jo”, nuk ndërronte dot. Por ata duhet ta kuptonin se unë jam kujdesur shumë për djalin e tyre”, rrëfeu aktorja e cila tha se i kishte thënë partnerit të saj Benit, se donte vetëm të ishin bashkë dhe ajo do i linte të gjitha për të, edhe aktrimin. Megjithatë ajo tha se ky ka qenë gabim dhe se s’do donte kurrë që e bija t’ia thoshte këtë dikujt.
