Presidenti rus, Vladimir Putin është vënë nën një vëzhgim të jashtëzakonshëm global gjatë muajit të kaluar për pushtimin e Ukrainës, por presidenti rus nuk e ka humbur të gjithë mbështetjen e tij në Evropë.
Më i rrezikuari që mund të përjetojë destabilizim, është Bosnjë-Hercegovina. Frika e ekspertëve është që në Ballkan nuk përjashtohet një luftë e re. Në të njëjtën ditë që Rusia filloi pushtimin e Ukrainës, një tjetër lajm kaloi kryesisht pa u vënë re: vendimi për të dyfishuar personelin e misionit EUFOR në Bosnje-Hercegovinë (BiH) , forcat e të cilit tani janë deri në 1,100. Megjithëse marrëveshja u zgjidh para fillimit të luftës, ajo u ushqye nga “përkeqësimi i situatës së sigurisë ndërkombëtarisht” e cila “ka potencialin të përhapë destabilitet në Bosnje-Hercegovinë”, sipas komunikatës së EUFOR-it .
Një përhapje e luftës në Ballkan?
“Nëse (Bosnja dhe Hercegovina) vendos të jetë anëtare e ndonjë aleance, kjo është një çështje e brendshme. Përgjigja jonë është një çështje tjetër. Shembulli i Ukrainës tregon se çfarë presim. Nëse ka ndonjë kërcënim, ne do të përgjigjemi”, tha ambasadori rus në Bosnje Igor Kalbukhov marsin e kaluar.
Gatishmëria e Rusisë për t’iu përgjigjur perspektivës së anëtarësimit të Bosnjës në NATO mund të lexohet si një reagim “diplomatik” ndaj përforcimit të EUFOR-it . Megjithatë, Moska tashmë po reagon ndaj Perëndimit në BiH dhe në Ballkan në përgjithësi përmes ndikimit të saj të gjatë. Rusia do të vazhdojë të destabilizojë rajonin përmes metodave të saj tradicionale, si fushatat e dezinformimit, propaganda antiperëndimore, mbështetja për grupet nacionaliste lokale dhe presionet diplomatike kundër NATO-s dhe BE-së.
