News

“Rreziku tani është akoma më i lartë”, Paralajmërimi i fortë i Piperos: Ky veprim i shqiptarëve është i gabuar

“Rreziku tani është akoma më i lartë”, Paralajmërimi i fortë i Piperos: Ky veprim i shqiptarëve është i gabuar

Pasi kreu i qeverise, Eid Rama u shpreh se dalëngadalë mund të nisë një lehtësim me pikatore i masave të izolimit, qytetarët e Tiranës duket se e kanë marrë për të mirëqenë se rreziku i infektimit ka kaluar.

Ditën e sotme rrugët e kryeqytetit janë mbushur nga kalimtarët e madje në rrugët kryesore ka pasur trafik të automjeteve, çka përkthehet në një ulje të vigjilencës, në një kohë kur ekpertët e ISHP-së kanë komunikuar se pikërisht këto ditë po përjetohet piku i të prekurve nga virusi agresive.

Pikërisht për këtë situatë ka reaguar për Iconstyle, mjeku Pëllumb Pipero, i cili e konsideron këtë një fenomen shumë të rrezikshëm.

“Fakti që ka arritur piku, nuk do të thotë që nuk ka rrezik, por që rreziku tani është më i lartë! Do të thotë që numri i të prekurve është më i larti dhe piku nuk zgjat një ditë, mund të zgjasë dhe një javë.” – është shprehur dr. Pipero në një lidhje telefonike.

Ai theksoi se vigjilenca pikërisht në këtë kohë duhet të jetë maksimale, duke u shprehur: “Edhe pse kurba mund të duket e thyer, rreziku nuk ka kaluar.”