(VIDEO)Moti i keq në Itali, shira dhe stuhi, përmbyten spitali, shtëpi e rrugë

    Stuhia që gjunjëzoi Catania-n në Itali shkaktoi përmbytjen e spitalit Nesima Garibaldi.

    Uji ka depërtuar në pavijone dhe dhoma dhe pacientët brenda po përjetojnë momente paniku.

    Stuhia gjithashtu ka lënë pasoja të rënda për qytetin. Rrugët e tjera u përmbytën ndërsa Via Etnea u kthye në një lumë të vërtetë.

    Uji në qytet vinte edhe nga fshatrat e afërta të Etna-s kurse qendra historike mbeti në terr pas ndërprerjes së energjisë elektrike. Ndërkohë, sipas raportimeve, si pasojë e përmbytjeve ka humbur jetën të paktën një person. Dyqanet janë mbyllur për shkak të përmbytjeve të orëve të fundit ndërsa kryebashkiaku Salvo Pogliese u ka bërë thirrje qytetarëve që të mos dalin nga shtëpitë.

    “I bëj thirrje të gjithë popullatës që të mos largohen nga shtëpitë e tyre përveç për arsye emergjente, sepse rrugët janë të pushtuara nga uji”.

    Ky është apeli i shkruar në Facebook nga kryetari i bashkisë së Katanias Salvo Pogliese. Gjithashtu u dha urdhër për mbylljen e menjëhershme “të objekteve tregtare me përjashtim të farmacive, atyre të ushqimit dhe nevojave bazë”

    Leave a Reply

    Your email address will not be published. Required fields are marked *