Ish-kryeministri shqiptar Fatos Nano ka preferuar që pushimet e kësaj vere t’i kalojë brenda vendit, të paktën deri më tani. Ai ndodhet, nën shoqërinë e bashkëshortes dhe disa miqve të tij në plazhin e Qerretit, i distancuar nga njerëzit e tjerë dhe baret e zonës përreth.
Prej kohësh, ish-lideri historik i Partisë Socialiste, ka hequr dorë nga daljet e tij në media, ndërsa edhe roli në politikë ka ardhur gjithnjë duke u zbehur, teksa kujtojmë se nuk shkoi në Kongresin e fundit të PS-së, edhe pse ftesa i shkoi në derë.
