Performanca live e Ronela Hajtit me këngën “Sekret” u publikua mbrëmjen e djeshme në faqen zyrtare të “Eurovision 2022”.
Vetëm në pak orë kënga ka marrë më shumë se 723 mijë klikime në YouTube, ndërsa klipi i këngës e publikuar nga faqja zyrtare e Eurovisionit para dy muajsh, numëron mbi 3.5 milionë shikime.
Kjo është kënga e dytë më e klikuar, pas asaj të Ukrainës, e cila ka mbi 948 mijë klikime. Kënga e saj ritmike është pëlqyer shumë jo vetëm nga publiku i “Eurovision 2022”, por nëpër botë.
Pavarësisht se nuk kaloi në finale, performanca e Ronelës bashkë me trupën e baletit u pëlqye shumë.
Kjo ishte një ndër performancat më ritmike, e cila i dhuroi publikut pozititvitet.
