News

Vuante nga një sëmundje e rëndë, ndërron jetë aktori i njohur shqiptar

Vuante nga një sëmundje e rëndë, ndërron jetë aktori i njohur shqiptar

Kinematografia shqiptare është në zi. Artisti Xhevdet Ferri ka ndërruar jetë nga një sëmundje e pashërueshme.



Mësohet se aktori 60-vjeçar ishte diagnostikuar prej disa muajsh me një sëmundje të rëndë dhe po merrte trajtime intensive.

Por, ai nuk ka mundur t’i mbijetojë, duke mbyllur sytë ditën e sotme.

Aktori durrsak Xhevdet Ferri u lind në Durrës më 26 nëntor 1960. Ai ka interpretuar në dhjetëra role në kinematografi e teatër, por suksesin me te madh si aktor ai e ka arritur ne filmin artistik. Disa prej filmave ku Xhevdet Ferri spikati më shumë, ishin: “Hije qe mbeten pas”, “Dhe vjen nje dite” , “Perralle nga e kaluara”, “Treni niset ne 7 pa pese”, “Vitet e pritjes”, “Dasma e Sakos”, etj.

Filmi më i fundit ku ka interpretuar, ishte “Delegacioni” i Bujar Alimani.

Ai është nderuar me një sërë çmimesh dhe vlerësime për kontributin e çmuar në kinematografi.